"Talaga, Jevy? Mahal mo na si Julie?" Hindi makapaniwalang tanong ni Elyssa kay Jevy. Hindi inaasahan ang pagkikita nila ng binata sa Clark, Pampanga. Nandito sila ngayon sa isang coffee shop malapit sa airport dahil sinundan ng binata si Julie para magpaalam. Hindi inaasahan ni Elyssa na makita roon si Julie at doon lang din niya nalaman na aalis na pala ang dating kaibigan at susunod ito sa magulang na nasa Korea.
Ang biglaang pagkikita nila ni Julie ay naging madamdamin dahil nagkapatawaran sila at naging magkaibigan muli. Julie begged for her forgiveness that Elyssa didn’t refute. Tao lang siya para hindi patawarin ang kaibigan. Sa katunayan, ay nagpapasalamat pa siya rito dahil kung hindi ay makukulong pa rin siya kay Jevy at hindi niya nakilala si Louie. Ang lalaking mas nagbigay ng
