“YOU’RE LEAVING?”
“Oo. Naimbitahan kasi ako ng pinakamalaking business group sa Davao, eh. It wasn’t part of the campaign, pero gusto ko pa ring isa-isa ng makilala na ng mga taong sa probinsya natin. At magandang pagkakataon ito para magsimula. Ikaw nga pala, kailan mo balak bumalik ng Davao? Masuwerte ka at nariyan ang mga tatay natin. Sila ang nag-aasikaso sa lahat at ang kailangan mo na lang gawin ay magpakita sa mismong campaign period.”
Nawalan na ito ng imik. Tahimik na lang itong naglakad habang tila kay lalim ng iniisip hanggang sa makarating sila sa outdoor stable.
“Ayaw mo ba?” tanong niya rito nang sa wakas ay pabalik na sila sa Clubhouse. “Akala ko ba lahat ng gusto ng mananalo ay susundin ng matatalo? Tapos ngayon, ayaw mong gawin. Ang labo mo namang kausap. Ka
