“WOW! YOU have a Akhal-Teke bred horse!” sambit ni Dominique nang dalhin siya ni Zell nang gabing iyon sa outdoor stable ng Stallion Riding Club. Nabanggit kasi nitong gusto siya nitong ipakilala sa pinakapaborito nitong alaga na si Buck. “Paano kang nakapagpuslit nito sa bansa, ha? Ang alam ko, sa Russia at Turkmenistan lang may ganitong klase ng mga kabayo. Meron din sa Germany at US pero hindi gaano. Hindi ko akalaing meron din nito sa Pilipinas.”
“Kung magsalita ka, parang isa akong kriminal sa pagkakaroon ng ganyang klase ng kabayo.” Nginisihan lang niya si Zell. Napailing na lang ito pagkatapos umubo saka hinaplos ang katawan ng kabayo. “You just need to have the right connection. Para makuha mo ang lahat ng gusto mo. In fact, lahat na yata halos ng magagandang lahi ng ka
