NAKATALUNGKO SA gilid ng bintana ng kanyang silid si Dominique habang nakatanaw sa malawak na lupain ng kanilang pamilya. Nang marinig ang pamilyar na boses na iyon. Neiji was standing by the door.
“I heard the news,” anito.
“Which one?” sarkastiko niyang tanong.
“Both.” Pumasok ito ng silid niya at hinila ang bangko sa tokador niya. “Pero mas malaki ang concern ko sa pagtakbo mo bilang governor ng Davao.”
Ibinaling niyang muli ang kanyang atensyon sa tanawin sa labas ng bintana. “Nakapagsumbong na pala sa iyo sina Mama. Pipigilan mo rin ba ako?”
“Depende. Kung talagang walang anomang dahilan ang pagkandidato mo bukod sa kagustuhan mong makatulong sa mga kababayan natin, hindi kita pakikialaman. Pero kung ginagawa mo lang ito bilang ganti kay Zell—“
“This has nothing to do
