SINALUBONG SIYA NG kasambahay nang gabing iyon. Tinawagan niya kasi na alalayan siya sa pagpasok dahil nahihilo siya gawa nang kulang nga sa tulog nitong mga nagdaan.
Nakita niya si Akilah na nasa sala at may kausap sa telepono kaya pinalayo niya ang kasambahay at pinilit na maging okay. Dumeretso siya sa hagdan at dahan-dahang naglakad paakyat. Nakasunod naman sa kan’ya ang kasambahay kaya ayos lang sa kan’ya. Gusto man niyang bisitahin ang anak sa silid nito pero pagod siya at parang nakalutang pa rin siya. Nakadalawang suka na nga siya bago umalis. Baka daw na-over fatigue na siya kakatrabaho at kakanakaw ng oras ng anak.
“May iuutos pa ba kayo, ma’am?” ani ng kasambahay niya.
“S-si Zale, pakitingnan na lang bago ka matulog. Hindi ko kayang pumunta sa silid niya ngayon.”
“Sige po, m
