SAPO NI NAARAH ang bibig. Wala sa sariling naglakad siya pabalik-balik. Tama siyang hindi maganda ang hatid ni Efren sa kan’ya.
Pero bakit? Nagawa naman ng mga ito ang pinagawa noon. Tanging ‘yon lang ang ginawa niya. Ni hindi nga niya alam kung saan nagtatrabaho si Efren.
Natigilan siya nang mapagtantong dalawa pala ang naghahabol sa kan’ya.
Napatingin siya kay Nikki, pagkuwa’y kay Akilah.
“So, dalawa ang naghahanap sa akin? Gano’n ba kalaki ang kasalanan ko? Maituturing na ba akong kriminal?” Sabay na napailing ang dalawa sa kan’ya.
“Eh, bakit nila ako hinahanap, huh? Bakit kailangan ng baril?” aniyang parang nanghihina.
Lumapit si Akilah sa kan’ya pero tinabig niya ulit ang kamay nito. “‘Wag mo ako mahawakan, Akilah. Wala akong dapat pagkatiwalaan sainyo. Lalo ka na. Paulit-ulit
