MALUNGKOT NA IGINALA ni Naarah ang tingin sa bahay. Iba na ang pakiramdam niya dahil sobrang tahimik na ng bahay nila. Naririnig pa niya ang paghaharot ni Aki sa anak bago umalis papuntang opisina, pero ngayon, wala na siyang marinig kung hindi ang tunog na nanggagaling sa kusina. Naghuhugas kasi ng mga pinggan si Manang Salud.
Napatingin siya sa anak nang marinig itong nagsasalita, nilalaro niya ang mga nakasabit sa crib niya ng kan’yang mga kamay. Tumingin din siya sa orasan niya, mga ganitong oras umaalis ang asawa para pumasok, pero ngayon, hindi niya alam kung pumasok ba ito. Ang sabi niya lang sa asawa, hindi ito p’wededeng bumalik sa bahay nila kapag hindi naayos ang gusot niya kay Bea, at ito pa rin ang magma-manage ng kompanya pagkatapos ng ilang buwan. Hindi rin niya pinagbabawa
