"Ah, ikaw siguro ang sinasabi ng mga katulong na asawa ni Allick Francisco na nang-iwan sa kaniya. Dahil bulag at nawala ang memorya niya. Sabi nila ay sumama ka raw sa lalaki mo. Kaya ka siguro bumalik dahil buntis ka at ihahabol mo iyan kay Sir ano?" dinig na dinig niya ang mapang-insultong tinig ng guwardiya.
"May handaan ba? Bakit mukhang abalang-abala ang mga tao ngayon?" dinig niyang tanong ng asawa niya.
Kaya't agad siyang umayos sa pagkakaupo. Dalawang buwan na rin simula noong umuwi ito sa mga magulang nito sa Cagayan Valley at sa loob ng dalawang buwan ay wala siyang ginawa kundi ang magpalakas. Dahil isang linggo simula noong pumanaw ang abuela niya ay ibinalik siya sa pagamutan para sa eye operation niya. Ngunit dahil major operation ito ay hindi siya agad maaring bumiyahe. K
