"KUMUSTA raw ba ang asawa mo, anak? Aba'y maghapon na siya sa labour room ah," may pagkaaligagang tanong ni Darlene kay Thirdy.
Kaso wala siyang nakuhang sagot mula rito. Wala naman sanang problema dahil nauunawaan niya ang damdamin nito bilang ama kaso siya ang nahihilo sa ginagawa nito! Masasapak na talaga niya ito!
"Ano ba, Thirdy! Ako ang nahihilo sa iyo! Maari bang maupo ka muna riyan sa tabi ng ama mo habang hinihintay natin ang doctor?!"
Ayon! Napalakas tuloy ang boses niya sa pananawata rito. Aba'y ano ang magagawa niya kung talagang nakakahilo ito! Mabuti sana kung hindi nginangatngat ang kuku na wari'y mayroon itong maitutulong.
"Wifey babe, baka naman ang tinis ng boses mo ang dahilan nang paglabas ng apo natin? Abot hanggang second floor ng hospital kaya ito." Pagpapakalma
