***** JELLA *****
Inakay ni Ryver si Jella pabalik sa loob ng apartment at iniupo sa sofa.
“Nasan si Axel? Bakit ikaw ang nasa labas?”
“Pinauwi ko siya pagdating ko,” sagot ni Ryver. “Diyan ka lang.” Tapos ay tinalikuran na siya.
“Saan ka pupunta?”
“May kape ka naman siguro, ‘di ba? Magkakape muna ako bago tayo umalis,” matabang na sagot ni Ryver.
Hindi na nakahulma si Jella dahil nagtuloy-tuloy si Ryver sa kanyang kusina. Sinundan niya na lang ito.
“Walang mainit na tubig. Magpapainit muna ako,” aniya’t madaling kumilos nang makitang inililibot ang tingin ni Ryver sa kabuoan ng kanyang munting kusina. May hinahanap.
“Wala kang coffeemaker?” Kahit tinanong iyon ni Ryver ay wala naman sa tuno nito ang panghahamak o pagyayabang.
“Mahirap lang ako kaya walang gano’n. Ganito lang an
