***** JELLA *****
“Huh!” Biglang bangon si Jella. Tumatahip ang kanyang dibdib at may mumunting butlig ng pawis sa kanyang noo.
Akala niya ay totoo na ang nangyari. Mabuti na lamang at panaginip lang pala.
Sa kanyang panaginip ay biglang dumating na naman daw sa kanyang apartment si Ryver kasama ang tauhan na si Axel. Tapos ay nakainom pa. At dahil nga may alak sa katawan ay hinalikan daw siya nito. Siya naman si gaga kahit sa panaginip ay pinikit naman daw niya ang kanyang mga mata imbes na ipagtulakan ito.
Tss! Hindi na siya nadala!
Hawak ang kanyang noo ay umalis siya sa kama. Naalala niya na pagdating niya sa apartment ay natulog siya agad kaya kung ano ang suot niya mula sa bar kanina ay iyon pa rin ang suot niya. Nakatulog siya na hindi nagbibihis kahit na basa ang kan
