***** JELLA *****
“Kape? Masarap ito?” alok niya kay Ryver. Hindi na niya natiis na hindi puntahan sa may kotse dahil kanina pa ito nananahimik doon. Idinahilan na lang niya ang kape. Inalok na rin niya ito ng almusal kanin pero tinanggihan nito. Hindi raw ito nag-a-almusal.
“Thanks.” Walang kangiti-ngiti na tinanggap iyon ni Ryver. Humigop tapos ay balik na naman ito sa tila napakalalim na pag-iisip. Nakasandal ito sa kotse habang nakatayo. Titingin sa bahay nila tapos ay yuyuko. Minsan sa lupa, minsan sa kape.
“Naiinip ka na ba? Huwag kang mag-alala, patapos na si nanay sa pag-iimpake. Pinakain pa niya kasi ang kapatid ko,” aniya. Iyon ang naisip niyang dahilan ng pananahimik nito kanina pa, ang naboboryo na ito o malamang pagod na.
Pailalim na tinitigan siya ni Ryver. “Kapatid mo b
