(NAYA)
NAPATINGIN ako sa cellphone ko habang nakikinig sa pag-uusap nina Eric at Kuya Regie. Naroon na kami sa condo unit ni Eric. Pagdating namin ay nagpahinga lang ako nang may isang oras at paglabas ko ng kwarto ay nadatnan ko sila ni Kuya Regie sa living roon. Nire-review nila ang mga ipinadalang report ng investigation team. Si Ninong Marty naman ay nasa isang kwarto at nag-aayos ng mga gamit niya.
“Sa tingin ko, Sir Eric, bukod sa mga empleyado ng Laxamana companies, importante ring makita natin ang profile ng mga customers at members ng sports club sa Laguna.”
Narinig kong sabi ni Kuya Regie. Nakaupo ako sa isahang sofa at pinag-iisipan kung ano ba ang tamang gawin. Alam kong naghihintay na si Poleng sa tawag ko. Umaasa itong sasabihin ko kung saan kami ngayon pan
