(PIERRE)
“BAKIT hindi mo pa rin alam? Ano bang ginagawa mo at hindi mo tawagan ang amo mo para itanong kung nasaan sila?”
“Sir… tumawag na ako. Pero ayaw talagang sabihin ni Miss Naya kung nasaan sila. Ayokong pilitin siya. Baka mamaya niyan makahalata na siya. Muntik na niya akong mahuli kagabi, Sir. Ayoko nang dagdagan ang hinala niya.”
“Wala akong pakialam kung paghinalaan ka nila basta ang utos ko ang sundin mo! Bibigyan kita ng pagkakataon para alamin kung nasaan ang mag-asawang ‘yon! Hanggang bukas, Poleng at kung wala ka pa ring impormasyon, makikita mo ang hinahanap mo! Hindi ka lang palalayasin ni Eric! Siguradong ipapaaresto ka rin niya!”
“K-kapag nakulong ako… makukulong ka rin, Sir Pierre…”
Natigilan ako sandali. Pagkatapos ay tinawanan ko ang sagot niya. “Tama ka! Pero
