HINDI ko na napigilan na kabahan sa buong panahon ng pagbiyahe namin papuntang townhouse ni Kuya Regie. Panay ang tingin ni Eric sa side mirror at sa rear view, inaalam ang mga sasakyan na nakasunod sa amin. Lilingon na sana ako nang pigilan niya ako.
“Malapit na tayo, Nanay," aniya. "Hindi ko alam kung gugustuhin kong si Pierre nga ang taong hinahanap natin o hindi. Dahil kung siya nga iyon at kasunod natin siya ngayon, ikaw ang pinakainaalala ko. Kung alam ko lang na malalagay ka sa peligro, pinaiwan na lang dapat kita sa condo.”
“At sa tingin mo ba, makakaalis ka nang hindi ako kasama?" tugon ko. "Hindi rin kita pababayaang mag-isa. Tatay, magtiwala lang tayo kina Kuya Regie. Matatapos din ito.” Hindi ko ma-imagine kung pinalakad kong mag-isa si Eric. Paano kung hindi niya napansin si
