“SA palagay ko, Sir Eric, ay wala pang alam si Belle Laxamana na suspect na siya sa pagkamatay ni Levi. Hindi siya talaga umalis para magtago. She had other things in mind when she left her house. Alam niyang nakalaya na si Marty Pedeglorio. Sa tingin ko ay nagplano na siya ng pagganti sa ‘yo nang malaman niyang buntis si Miss Naya. Naging malinaw sa kaniyang pinasasakay mo lang siya. Si Mr. Pedeglorio ang naging easy target ni Belle para makaganti sa inyong mag-asawa.”
Malalim akong humugot ng hangin. It’s only almost four in the morning. Madilim at mangilan-ngilan pa ang mga sasakyan sa kalsada. Kausap ko si Regie sa cellphone habang binabagtas ang SLEX. Ang gusto ko sana ay makipagkita sa kanila. Subalit naalala kong baka may tauhan si Belle na nakasunod sa akin at malaman ng mga itong
