HINDI ko na kayang maghintay. Tumayo ako dahilan para magpanic nang bahagya si Belle.
“Where are you going?” tanong niya at napalingon sa bihag. Halos malimutan niyang naroon lang ang Ninong ni Naya. Pinalabas pa man din niyang kasabwat niya ako sa pagkuha rito.
Napatingin din ako kay Mr. Pedeglorio. Tahimik lang ito subalit, halata sa mukha ng matanda ang kinikimkim na galit.
Ngumiti si Belle nang bumaling ulit sa akin. “Hindi ka pa pwedeng umalis, Eric. Hihintayin pa natin ang tawag ng abogado,” malambing na sabi niya.
“Naiinitan ako.” Hinubad ko ang jacket at ipinatong iyon sa mesa, siniguradong nakatutok pa rin ang spy cam sa direksiyon ng dalawang tauhan ni Belle.
Puting T-shirt ang suot kong panloob. Hindi nakaligtas sa pansin ko ang titig ni Belle sa katawan ko. Tinaasan ko
