TINULUNGAN ko si Eric na maisuot ang kaniyang kamiseta. Iningatan ko lang na hindi madanggil ang sugat sa braso niya. Nang matapos ay naupo ako tabi niya at pinagmasdan siya. Hinawakan ko siya sa mukha at paulit-ulit na hinalikan at saka siya maingat na niyakap.
He chuckled. “Kapag naman ganito kalambing ang home nurse ko, siguradong gagaling agad ang sugat ko.”
Hindi ko pinansin ang sinabi niya. Kumalas ako at muli siyang pinagmasdan. “Eric, ayoko nang maulit pa ito, okay?” May garalgal sa boses ko nang magsalita. “At ayokong aalis ka ulit nang hindi ko nalalaman. Paano kung higit pa rito ang nangyari sa’yo? Paano kung napuruhan ka ni Belle? Paano kung hindi ka na nakabalik sa’kin? Eric, hindi ko kayang isipin na may mangyayaring masama sa’yo.”
He shook his head and held my face. “Nag
