(NAYA)
“WHAT do you think if hindi ako dumating? Ano ang posibleng nangyari sa dinner nina Eric at Miss Belle?” tanong ko kay Kuya Regie.
Nasa labas kami ng mansion. Kaaalis lang noon ni Eric papunta sa opisina. Dumaan si Kuya Regie sa mansion at paalis na sana nang dali-dali ko siyang sundan para kausapin.
Nagkibit siya ng balikat. “Honestly? Baka hindi nakauwi si Sir Eric kagabi.”
Kinilabutan nang marinig ko iyon. Iniisip ko pa lang na sa tabi ni Miss Belle matutulog si Eric, nanginginig na ako.
“Pero sa isang banda, kilala ko si Sir Eric. Naniniwala akong alam niya kung ano ang dapat gawin. I advised him not to swallow anything that Belle would offer during dinner. Medyo mahirap gawin iyon nang hindi nakakahalata ang madrasta niya pero, alam kong magagawan ng paraan ni Sir Eric a
