“YOU can come back anytime, Sir. Ituring n’yong bahay n’yo ang bahay namin ni Naya dahil isang pamilya lang tayo.”
Sabado. Iyon ang araw ng pag-alis ng ni Mr. Pedeglorio. Ang sabi sa akin ni Naya, uuwi raw muna ito sa bahay sa Laguna at pagkatapos ay bibiyahe pabalik sa Davao upang kunin ang mga naiwang gamit doon.
“Salamat,” matipid na sagot nito.
“Kung sakaling magbago ang isip n’yo at magdesisyong tanggapin ang inaalok kong trabaho, sabihan n’yo lang po kami ni Naya.”
Noong isang gabi ko pa kinausap ko ang Ninong ni Naya tungkol doon pero, tumanggi ang matanda. Hindi ko siya pinilit. Ngayong paalis siya, saka ko na lang ulit binanggit iyon. Umaasa akong pag-iisipan niya ang inaalok kong trabaho habang nasa biyahe.
“Pag-isipan mo, Ninong Marty ang job offer ni Eric. Mas mapapanat
