(NAYA)
NAKANGITI si Ninong Marty nang iabot niya sa akin ang baso ng gatas. Ang ganda ng panahon sa umagang iyon. Kanina pa nakaalis si Eric papunta sa opisina. Magkakasalo kaming tatlo kanina sa almusal. Inihatid ko si Eric sa labas pagkatapos at pagkaalis nito ay tumulong naman ako sa pagdidilig ng mga halaman. Nang matapos ay bumalik ako sa kusina para magrequest kay Poleng na timplahan ako ng gatas. Eksaktong naroon si Ninong Marty at siya ang nagprisintang gagawa.
Kahapon pa ng hapon nakalabas ng kulungan si Ninong Marty at gaya ng sinabi ni Eric, ang abogado at si Kuya Vener ang sumundo sa kaniya pauwi sa mansion. Sobrang saya ko kahapon nang makita siya. Pero naroon pa rin ang lungkot dahil halata sa hapis na mukha at bagsak na katawan ni Ninong Marty ang epekto sa ka
