"Oh, paano? Maiwan ko na kayo?" paalam ni Beron sa amin.
"Akala ko ba kakain na tayo?" kunot-noong tanong ni Klarence habang salitan kaming tinitingnan ni Beron.
"Oo nga. Magkainan na kayong dalawa."
"Beron!" sita ko dito. Pinandilatan ko ito ng mata. Kita ko namang medyo nabigla si Klarence. Pero agad ding napangiti sa kapilyahan ni Beron.
Eto talagang babaeng ito, ang bastos ng bibig!
"Ay! Sorry.... Ibig kong sabihin, kumain na kayong dalawa..." tatawa-tawang sabi nito, at saka binirahan ng alis.
"P-Pasensiya ka na kay Beron ha... ano eh... may pagka-bastos kasi bibig niyan talaga..." nahihiya kong sabi dito.
Ngumiti ito sa akin. Pakiramdam ko ay may nagrambulan sa loob ng tiyan ko. S
