"Iha, kumain ka muna. Anong oras na, hindi ka pa kumakain..."
Napalingon ako. Papalapit sa puwesto ko si Tito Hernan. May dala itong tray na may mga nakatakip na plato at saka pitsel ng tubig.
"Naku, Tito. Mainit dito. Sana pinahatid mo na lang kay Shirley."
Si Shirley ang teenager na anak ni Manang Sol at Manong Bert.
"Nag-aalala na din kasi ako sa iyo. Late ka nang natutulog. Ang aga mo pang gumigising. Tapos wala pa sa oras ang kain mo... baka mapaano ka naman niyan, Annika. Lagot ako sa mga magulang mo. Eh baka mamaya, biglang bumangon yun sa mga libingan nila para pagalitan ako!" sabi nito.
"Tito naman... mas magagalit ang mga yun kapag pinabayaan ko itong resort. Ito na nga lang ang naiwan nila sa akin mawaw
