"ARE YOU in love, Lenard?" prangkang tanong kay Glenard ni Pauline. Dumating ito at ang anak kahapon, dahilan para iwan niyang mag-isa si Sandra sa Sta. Isabel. Gusto sana niyang magpaalam sa dalaga pero masama pa rin ang loob niya rito. Isa pa ay ayaw niyang makitang kasama na naman nito ang Darius na iyon. Mula sa Colifornia, sa rancho niya tumuloy ang mga ito para daw makapagpahinga.
"Bakit mo naman naitanong?" nakangiting balik niya rito.
"Well, una, kakaiba ang kislap ng mga mata mo ngayon. Pangalawa, magmula nang dumating kami, palagi kong napapansin na tingin ka ng tingin sa cellphone mo. Pangatlo, palaging malalim ang iniisip mo. May iba pang signs. Gusto mo ba na isaisahin ko pa bago ka umamim?" Nakahalukipkip nitong sabi habang pinanonood siyang magluto ng pasta na iniluto ri
