HIBLA na lang ang pagitan ng mga mukha nila nang bigla siyang matigilan dahil sa pagtunog ng kanyang cellphone. Awtomatikong napalayo siya sa binata, habang ito naman ay napasuklay sa sariling buhok. Kinuha niya ang cellphone buhat sa bulsa ng suot niyang tokong shorts.
"Hello?" bungad niya sa caller na unknown naman ang number.
"Hello, Sandy? Nasaan ka? Okay ka lang ba? San ka dinala ng Glenard na 'yan?" anang nasa kabilang linya na alam niyang walang iba kung hindi si Darius. Nagtaka siya dahil natawagan siya nito gayung hindi naman nito alam ang number niya.
"D-Darius, okay lang ako. I can—" Hindi niya naituloy ang sasabihin nang biglang hablutin ni Glenard ang cellphone sa kanyang kamay. Walang sabi-sabing pinatay nito ang tawag pagkatapos ay saka pa lamang muling ibinalik sa kany
