MALAPIT na ito sa kotse nang abutan niya. Hindi niya maintindihan ang sarili kung bakit pero ayaw niyang umalis ito na masama ang loob sa kanya.
"G-Glen…" Tinawag niya ito pero hindi ito humarap. Marami siyang gustong sabihin pero hindi niya alam kung saan magsisimula. Kung tutuusin ay wala naman siyang dapat ipaliwanag kay Glenard. Hindi niya ito boyfriend pero bakit sobrang apektado siya sa mararamdaman nito. Pagkaraan nang ilang sandaling katahimikan ay hinarap siya ng binata. Tinitigan pagkatapos ay mapait itong ngumiti.
"I'm sorry kung naging immature na naman ako, Sandy. Nakalimutan kong hindi nga pala kita pagmamay-ari. Sorry kung nakaistorbo ako. Bumalik ka na doon. Baka naiinip na 'yong kasama mo." Puno ng sarkasmo ang tinig nito.
"Glen, ano ba'ng sinasabi mo? B-bakit ka ba n
