NAGISING si Sandra sa pakiramdam na parang may nagmamasid sa kanya. At pagmulat nga niya ng mga mata ay nakita niya si Glenard. Bagong ligo na ito. Amoy na amoy pa niya ang sabong panligo na ginamit ng binata. Buong tamis na ngumiti ito at kinintalan siya ng maalab na halik sa labi. Nagustuhan man niya ang halik na iyon, hindi naman niya mapigil ang sarili na hindi makaramdam ng pagka-asiwa dahil ni hindi pa man lang siya nag-to-toothbrush ay hinahalikan na siya nito. Feeling niya ay ang baho niya samantalang ito ay napakabango na.
"Good morning, Love." Nakangiti ito ng matamis habang titig na titig sa kanyang mata.
"Good morning," nakangiting ganting bati niya rito. Pero mabilis siyang napabangon nang may maalala siya bigla. "God! Dito na pala ako inabot ng umaga! Tiyak na nag-aalala
