TUMAYO siya sa kinauupuan. Hindi man gaanong marami ang kanyang nainom ay nag-uumpisa ng umikot ang kanyang paningin. At sa tingin niya ay nauunawaan iyon ni Darius dahil sa isang iglap lang ay nasa likuran na niya ito para umalalay.
"Are you okay, Sandy? Can you walk? Kargahin na kaya kita?" Malinaw na dumating sa pandinig niya ang mga salitang iyon kahit pa parang inaantok na ang kanyang diwa.
"No. Kaya ko pa naman, Dar. Alalayan mo na lang ako," tugon niya. Sinunod siya ng binata. Hinawakan nito ang siko niya at ang isang kamay nito ay iniakbay nito sa kanyang balikat. Dala ng liyo na nararamdaman ay hindi na niya nagawang magpaalaam ng maayos kay Laiza at sa iba pa nilang kasama. Nagpatianod siya kay Darius hanggang sa makapasok sila sa loob ng kabahayan. Iginiya siya nito paupo sa
