BAGAMAN sa bahay lang nina Laiza ang napagkasunduan nilang venue ng birthday ng kanyang ninang Fe, sinigurado nilang magiging masaya ito at memorable ang mangyayari. Inimbitang lahat nina Laiza at Darius ang mga kamag-anak nila na matagal ng hindi nakikita ng ina. Nagpa-arrange sila ng catering services na inilatag sa maluwang na bakuran ng mga ito. Naroon din ang mga kasamahan sa munisipyo ng kanyang ninang Fe, na palihim ding sinabihan ni Darius.
"Hello, Laiz? Nasaan na kayo?"
"Malapit na kami, Bes. Okay na ba ang lahat?" Maagang umalis ang mga ito dahil niyayang magsimba nina Darius at Laiza. Ang usapan nila ay magso-shppping pa ang mga ito pagkatapos para tamang-tama lamang na maihanda ang lahat bago makabalik sa bahay.
"Oo. Everything is alright. Sa tingin ko rin ay narito na an
