UMALIS si Glen na medyo malungkot dahil nga naiwan siya. Nangako na lang siya sa binata na babawi rito pag-uwi nito galing Amerika.
"Bakit kasi hindi ka sumama, girl? Pagkakataon mo na 'yon para makita si Pauline Clarkson at malaman kung ano na ang status nila ngayon ni Glenard. Kung ako 'yon, sasama talaga ako!"
"Laiza, mas importante naman sa akin 'yong surprise natin kay ninang kaysa maging spy ni Pauline, 'no! Besides, may tiwala ako kay Glen na talagang magkaibigan na lang silang dalawa."
"Nandoon na ko, Bes. Pero ayaw mo bang alamin kung totoong may anak sila kagaya ng kumakalat na tsismis?" Nagbaba siya ng tingin at hinalo ang kape niya sa tasa saka siya humigop. Nasa cafe sila sa ibaba ng building kung nasaan ang opisina ng UI. Coffee break nila at nagyaya doon si Laiza dahil
