"BES, kwentuhan mo naman ako. Busy ka na palagi ang dalang na nating magkakwentuhan." Nakahiga na sila ni Laiza nang gabing 'yon pero kanina pa siya kinukulit nito na magkwentuhan pa sila.
"Laiz, ano pa ba ang ikukwento ko sa 'yo? Lahat na ng tungkol sa buhay ko ay alam mo na," natatawang sabi niya sa kaibigan. Kapag ikinasal na sila ni Glenard at umalis na siya sa bahay na ito ay isa ito sa mami-miss niya. Ang magkatabi sila ni Laiza sa pagtulog. Parang literal na kapatid na niya ito. Kapatid na hindi siya nabiyayaan na magkaroon kaya naman talagang napakalapit nilang dalawa ni Laiza sa isa't isa. Tumagilid ito at itinukod ang isang palad sa pisngi.
"Hindi pa lahat. Hindi ko nga alam na nagkaroon ka pala ng nakaraan sa hot bachelor na tinitilian ng lahat ng kababaihan ngayon, e. Sige
