UMUWI siya sa Sta. Isabel pero bago iyon ay humanap muna siya ng apartmeht na matitirhan para maibaba niya ang lahat ng gamit na inalis niya sa bahay nina Laiza. Para kung ano man ang nangyari ay may uuwian siya rito sa Maynila. Para kung sakaling magkaayos sila ni Glenard ay hindi na siya mahirapang humanap ng malilipatan. Malapit lang sa opisina ng UI ang nakita niyang paupahan. Gamit ang savings ay nagbayad siya ng advance and deposit pagkatapos ay hindi na siya nagtagal.
"Hindi naman umuuwi si Glenard dito, hija. Teka, nag-away ba kayo?" Bakas ang pag-aalala sa tono ni Juancho nang lakas-loob siyang magtungo sa bahay ng mga ito. Ni hindi pa siya umuuwi sa kanila. Sa kagustuhang makausap kaagad ang binata ay dook siya dumiretso. Sinikap niyang tatagan ang sarili. Ayaw niyang umiyak sa
