"I WON'T be home for dinner," nakangiting paalam ni Sandra sa kanyang ama bago umalis ng kanilang bahay.
"Bakit, hija? Saan ka pupunta?" nagtatakang tanong nito.
"Glenard is cooking linguini and he invited me to join him. I'm bringing the wine." Itinaas niya ang dalang bote para ipakita iyon dito. Tumango-tango ang ama.
"I see." Kumislap ang mga mata nito sa hindi niya malamang kadahilanan. "Have a good time then, hija."
"Thanks, Papa. Bye." Humalik muna siya sa pisngi nito bago masiglang umalis para hindi mahuli sa usapan nila ni Glenard. Halos mainip nga siya sa tagal ng ginawa niyang paghihintay para sumapit ang oras na iyon. Ayaw niyang isipin kung bakit sa oras na iyon ay kinalimutan muna niya ang balak na pamba-balewala rito. Basta ang alam lang niya, gusto niyang magkalapit
