"S-SIGE." Natagpuan na lamang niya ang sarili na tumatayo na habang inaalalayan siya ng binata. Minuto pa ang lumipas ay nakakulong na siya sa mga bisig nito. Pakiramdam na napakatagal na buhat nang huli niyang maramdaman. Nakahapit ang isang kamay nito sa kanyang baywang at ang isa naman ay nakasapo sa kanyang likuran. Nakadamit siya pero ramdam niya ang init ng palad ng binata sa kanyang balat. Alam niyang nakatitig sa kanya ang binata kaya hindi niya magawang mag-angat ng mukha. Hindi niya gusto na magsalubong ang mga mata nila. Baka kung ano pa ang mabasa nito sa kanya.
"Sandy…" wala siyang choice kung hindi ang tingnan ito nang marinig niya ang mahina nitong pagtawag. Noon lang niya napagtanto na malapit na malapit na pala ang mukha nila sa isa't isa.
"Bakit?" Sinikap niyang maghi
