NAHUGOT ni Sandra ang hininga. Hindi niya mawari kung saklolo ba ang nagkaroon siya o mas matinding panganib sa kamay ng kung sino mang nagpaputok na iyon. Pero ganoon na lang ang kabang bumalot sa kanyang dibdib nang makitang si Glenard ang palapit sa kanila ng lalaking estrangehero. Sa takot nito ay mabilis na nagtatakbo para makalayo sa binata na kahit siya ay nakaramdam ng takot dahil sa madilim nitong anyo. Segundo pa ang lumipas ay nasa tabi na niya ito. Nakayukod at nakatunghay sa kanya.
"Okay ka lang? Hindi ka ba nasaktan?" Parang hinaplos ang puso niya sa baritonong tinig ng binata. Ang naririnig niyang nagsasalita nang mga sandaling iyon ay walang iba kung hindi ang dating Glenard na bahagi ng kanyang buong pagkatao. Ang Glenard na bestfriend niya. Ang Glenard na kakampi at kar
