SANDRA
NAILANG siya bigla. Wala sa loob na nagbawi siya ng tingin at ibinaling ang mata sa bintana. Lihim siyang napalunok. Ngayon pa lang ay parang gusto na niyang bawiin ang desisyon na sumama ritong umuwi ng Sta. Isabel. Parang bigla ay gusto ng magbago ng kanyang isip.
"Sandy…" anito maya-maya sa mahinang tinig. Halos pabulong lang at sapat lamang para makarating sa kanyang pandinig. Nilingon niya ito pero sa daan nakatutok ang mata ng binata.
"Hmmm?" Ginagap nito ang isang kamay niya kahit pa ang buong atensyon nito ay nasa kalsada pa rin. Pinigilan niya ang mapapitlag nang magdaop ang kanilang mga palad. Kay init ng palad ni Glenard. Gumapang ang bolta-boltaheng kuryente sa kanyang kaibuturan dahil sa aktuwasyon nitong iyon. Kung noon ay normal lang sa kanya na mahawakan ang kam
