"ATE, baka naman pwede kaming sumama ulit sa inyo. Nakaka-miss kaya doon. Saka nakaka-miss din ang mga nilulutong kakanin ni Tita Celia. Sama na kami sa Sta. Isabel, Ate, please?"
"Cathy, hayaan n'yo muna ang ate n'yo this time. Sa susunod na lang kayo sumama. Hayaan n'yo munang magkaroon sila ng time ng Tita Celia ninyo. Kapag nandoon kayo, siguradong kayo na naman ang aasikasuhin ng Tita Celia n'yo. Hayaan nating makapag-bonding silang mag-ina bumalik sa assignment ang ate ninyo," saway ng kanyang Mama Cassie sa kapatid niyang si Cathy. Nang buksan niya kasi ang usapin na gusto niyang sumama kay Glenard pauwi ng Sta. Isabel ay nagpahayag ang mga kapatid na gustong sumama sa kanyang pag-uwi.
"Tama ang Mama n'yo mga, anak. Sa ibang pagkakataon ay sigurado akong isasama naman kayo ng at
