Buong pagmamahal na ginawaran din ng halik ni Ellion ang labi ni Isabel at tinugon naman niya iyon ng buong pagmamahal din pero agad siyang napalayo sa kanyang asawa dahil napadako ang kanyang paningin sa itaas ng bahay.
Natanaw niya ang kanyang lolo Eliseo na nakatanaw sa kanilang dalawang at kitang-kita niya na nasisiyahan ito sa mga nangyayari.
Siguro nasisiyahan ito dahil sa totoo lang nais naman talaga nito na magkaayos silang dalawang mag-asawa at tama rin naman ang kanyang lolo. Mahal naman niya si Ellion kaya dapat lamang na bigyan niya ito ng pangalawang pagkakataon.
At hindi na rin naman sila basta magkasintahan lamang dahil kinasal na silang dalawa at may anak na rin sila.
Akmang kakabigin ulit siya ni Ellion pero lumayo na siya at pasimple niyang itinuro ang kanyang lolo
