Hindi alam ni Joanna kung gaano katagal na siyang nagmumukmok sa master bed room. Ilang beses siyang kinatok ni Mark para tanungin kung tumawag na ba si Dean. Pero paulit-ulit lang na sinasabi ni Joanna na huwag na nila itong hanapin. Mabuti na lang at hindi naman nagtatanong ang kapatid.
Muling tumulo ang mga luha ni Joanna nang maalala ang paghahalikan nina Dean at Liezel. Kitang-kita niya kung gaano kasabik ang dalawa sa isa't isa. Lalong-lalo na ang asawa niya na mukhang uhaw na uhaw sa sekrtarya nito. Base sa mga ikinilos ng dalawa, mukhang hindi iyon ang unang beses na ginawa iyon nina Dean at Liezel. Napaka-intimate ng sandaling iyon.
Parang paulit-ulit na sinuntok nang malakas ang puso niya nang maalala ang mga pagtanggi ni Dean tungkol sa hinala niya sa sekretarya nito. At ang m
