Leana's POV
Inipon ko ang buo kong lakas. Kinagat ko ang isang braso nito ng ubod ng diin at sinipa ito nang malakas. Tinakbo ko ang patungo sa pintuan at sumalubong agad sa akin si Tiyang hindi pa man ako nakakalabas ng pinto. Napaatras ako lalo at nakita ko ang hawak nitong kahoy.
“Nakita ko ang ginawa mo sa anak ko! Perwisyo ka talagang babae ka. Anong karapatan mo para saktan ang anak ko? Mamatay ka na lang, para sa akin na mapunta ang lupa dito.” Itinaas nito ang kahoy at hinampas ako. Pinangsalag ko ang braso upang takpan ang ulo ko na puntira nito. Ganoon pa man ay natamaan pa rin ang ulo ngunit hindi kasing lakas ng magiging epekto nito kung hindi ko sinalag. Ang tindi ng sakit na epekto nito sa braso ko at ulo. Sapat ang paghampas nito para mahilo at manghina
