Jake Suarez
NABABAKAS ang pagtataka sa mukha ng mommy at daddy ni Ayumi habang ako ay nakaluhod sa harapan nila. Nakayuko ang aking ulo at handa nang ibaba ang sarili para kunin ang kamay ng kanilang anak.
Hindi ko gawain anh ganitong bagay at wala sa bokabularyo ko ang salitang pagluhod, ngunit para sa babaeng si Ayumi, gagawin ko ang lahat makuha ko lang ang muling pagtanggap sa akin ng kanyang pamilya.
"J-Jake, ano bang–?"
"Ma'am, Sir. Alam ko pong masiyadong maraming pagsubok at problema na dulot ng pamilya ko sa inyo. Pero kahit ganoon, sana ay tanggapin nyo pa rin ako bilang parte ng inyong pamilya," sunod-sunod kong wika at pagputol sa sasabihin ng mommy ni Ayumi.
Litong-lito ang kanilang hitsura nang tingnan nila ang isa't isa. Hindi ko sila masisisi dahil biglaan ang pagtungo
