Ayumi
KAHIT nahihilo ako nang kaunti, marahas kong tinulak ang kanyang katawan na nakayakap sa akin, saka pilit na inaalis ang braso niyang may mahigpit na hawak, ngunit kahit anong gawin ko, ayaw niya akong butiwan.
"Bitiwan mo nga ako!" sigaw ko sa kanya.
"Bibitiwan lang kita kung sasabihin mong kakalma ka!" inis niyang tugon sa akin.
Diretso akong nakatingin sa kanya na may halong pagtataka. Isang malalim na paghinga ang aking ginawa bago muling magsalita.
"Oo na. Sige," pagsuko ko.
Naramdaman ko ang pagluwag ng kapit niya sa aking braso at maya-maya lang, tuluyan na rin niya akong binitiwan.
"Kalmado ka na ba?"
"Bakit, mukha ba akong nagwawala?"
Kumunot ang kanyang noo dahil sa aking sinabi.
"Alam mo, ikaw? Ikaw na nga itong niligtas ko, galit ka pa. Muntik ka na ngang masaga
