Ayumi
NAPAKO ang ngiti sa aking labi habang nakatayo sa harap ng mga empleyadong ngayon ko lang nakita at nakilala.
"Hello, everyone. This is my best friend Ayumi Reyes. Be good to her. She will be part of the marketing department from now on," sunod-sunod na paliwanag ni Cheska sa harapn ng mga taong magiging katrabaho ko.
"Welcome sa team, Ms. Reyes," wika ng mga empleyado.
"Salamat po. Tawagin nyo na lang akong Ayumi." Yumuko ako nang bahagya bilang paggalang sa mga taong nandito, saka muling inangat ang aking ulo. "Pagbubutihin ko ang trabaho," muli kong wika.
"Kung gano'n, we need a welcome party, tama ba?"
Sabay-sabay kaming napalingon nang makarinig ng isang tinig ng lalaki mula sa aming likuran.
"You're finally here, Mikki. Kailan ka pa nakabalik?" wika ni Cheska.
"Kararati
