PAWISAN sila pareho. Hindi nakabukas ang air-con at hindi kinaya ng stand fan ang init ng tagpo. Nang maalala ni Aya ang period niya ay dagli siyang bumangon. Tumakbo siya sa palikuran at naghugas. Spotting lang naman ito. Nagulat siya nang may humawi sa shower curtain. Napalingon siya kay Adam. Nakapasok na ito at sinamahan siya sa ilalim ng shower na may maligamgam na tubig.
“Akala ko birhen ka ulit,” nakangising sabi nito.
Hindi niya ito kinibo. Tumalikod siya rito pero nag-init ang kanyang mukha. Malamang napansin nito ang munting dugo na naiwan sa kama. Maya-maya ay kumislot siya nang yapusin siya nito buhat sa likuran.
“Happy birthday, babe,” bulong nito sa tainga niya.
Natigagal siya. Marahas niya itong hinarap. “P-paano mo nalaman?” manghang tanong niya.
“Sinabi sa akin ni Bo
