WALANG tigil sa pagpatak ang mga luha ni Aya habang nag-i-impake siya ng mga gamit. Akala niya mapapakiusapan pa niya si Adam, makapagpaliwanag nang maayos pero sa nakita niya, nilamon na siya ng sakit. Kung marupok siya, mas malala si Adam. Ganoon pala ito, kapag nasaktan sa ibang babae kaagad ang takbo.
Walang pag-aatubiling lumayas siya. Gusto niya ng peace of mind. Kahit hating gabi na’y bumiyahe siya papuntang Maynila. Nag-abang siya ng first trip ng bus papuntang Infanta Quezon, sa probinsya nila.
Nakatulog sa biyahe si Aya. Namumugto na ang mga mata niya kakaiyak kaya hirap siyang imulat ito. Huminto na ang bus sa terminal. Alas-onse na ng umaga. Bumaba na siya bitbit ang kanyang maleta. Paglapag niya sa lupa ay bigla siyang nahilo. Sinisikmura siya. Tumakbo siya sa malapit na pa
