BIANCA
Naramdaman ko na naman ang mahigpit na pagyakap ng mga braso ni Mateo sa katawan ko, mula sa likuran ko, kasabay ng bahagyang paglapat ng labi niya sa leeg ko, kaya napapikit na naman ako.
Pigil ang hininga, dinadama ko ang masarap na pakiramdam ng yakap niya sa akin, at tila kasabay ng alon sa dagat ay naririnig ko ang mabilis na tîbok ng puso naming dalawa.
Iba ang epekto sa akin sa tuwing magdidikit ang mga balat at katawan namin ni Mateo gaya ngayon. Nararamdaman ko na naman ang hindi ko maipaliwanag na init. Hindi ko mawari kung saan ito nagmula at kung bakit mabilis itong kumalat sa buong katawan ko, kahit na ang lamig ng simoy ng hangin.
"Sana ganito na lang tayo, Bianca," pabulong na sabi ni Mateo.
Hindi agad ako nakasagot at kinalma ko muna ang aking sarili. "Anong i
