BIANCA
Katulad nga ng gustong mangyari ni Mateo, nakatulog rin ako matapos niya akong yakapin habang nakahiga sa kama.
Walang nangyari sa panonood ko at hindi ko natapos ang pelikula. Kahit kasi sinubukan kong labanan ang antok habang nakahiga sa tabi ni Mateo, nakaramdam ako ng antok at nakatulog ako.
Pasaway kasi si Mateo, parang batang naglalambing na gusto niyang matulog na may katabi. Para bang hindi siya makakatulog kung hindi niya ako yayakapin.
Alas-nueve ng gabi nang gisingin ako ni Mateo. Inaantok pa ako nang nagmulat ako ng mga mata. Ngayon lang kasi ako nakaramdam ng pagod at puyat dahil sa kulang talaga ako ng tulog kagabi at maaga rin akong nagising kanina.
Naramdaman kong tinapik ako ni Mateo sa braso. "Bianca, wake up, kain muna tayo."
Tumango ako at kinusot ng kanan
