BIANCA
Bago matulog, tiningnan ko muna ang backpack na dadalhin ko bukas. Nakahanda na ang mga damit at gamit ko dahil maaga akong aalis. Nakapag-book na rin ako ng Uber na maghahatid sa akin sa bus terminal, kaya wala na akong ibang iisipin pa.
Alas-singko ako bumaba sa lobby at sumakay sa naghihintay na Uber na maghahatid sa akin sa terminal. Gaya ng inaasahan ko, alas-sais umalis ang bus na sinakyan ko papuntang Quezon Province.
Nag-research naman ako tungkol sa lugar na pupuntahan ko, kaya kahit paano ay may ideya na ako kung saan bababa at titigil ang bus.
Sa tingin ko, mahahanap ko ang lugar kung saan nakadestino ang aking asawa. Bababa ako sa Pagbilao, at mula sa bus stop, sasakay ako sa tricycle papunta sa kampo.
Habang nasa biyahe, napapangiti ako sa tuwing iniisip ko ang ma
