CAPTAIN MATEO MONTENEGRO
"Hun, lalabas muna ako sandali. Pupunta ako sa kitchen area at magpapaluto tayo ng sinigang na gusto mo," mahinahon kong paalam kay Bianca.
Hindi umimik ang asawa ko. Matalim ang kanyang mga mata nang irapan ako. Nagtatampo talaga siya sa akin, kaya minabuti kong lumabas at maghanap ng sinigang sa labas.
Mukhang pinapahirapan ako ngayon ni Bianca dahil sa ginawa ko kahapon sa kanyang mga kaibigan.
Mahirap palang magalit ang asawa ko. Dinadaan ako sa tactical punishment at pinapahirapan akong maghanap ng pagkaing gusto niya.
Alam ni Bianca na kahit mahirap pa 'yan, gagawin ko para sa kanya, kaya mukhang ganito ang parusang ibinigay niya sa akin, dahil hindi ko siya tatanggihan, lalo na't tungkol ito sa pagkain.
"Good morning, Sir," agad na bati sa akin ng mga
