MATAGAL na oras na ring nakatulala si Andriano sa loob ng pribadong silid habang pilit inaalala ang mga nangyari sa nagdaang limang taon.
Kahit anong pag-iisip ang gawin niya, pahapyaw na mga alaala lamang ang pumapasok sa isipan niya. At lahat ng iyon, isang babae lang ang nilalaman.
Mula sa kawalan ay bumaba ang paningin niya sa hawak na larawan. Prenup pictures nila iyon ng babaeng si Maggie, pareho silang nakatingin sa camera. Malaki ang ngiti sa mukha ng babae habang siya ay walang reaksiyon ang mukha.
"Sino ka ba talaga?" Humigpit ang pagkakahawak niya sa litrato nang muling mag-angat ng paningin.
May kaunting alaala ang bumabalik sa kaniya, kasama na roon ang babaeng si Maggie, ngunit lahat ay hindi sakto.
Mga eksenang malabo lamang, mga senaryong walang simula at katapusan. La
